捷球网-足球比分_篮球比分_即时比分直播_足球视频移动版

女子世盃H組，傳統勁旅德國對南美新貴哥倫比亞。德國上仗大炒摩洛哥6比0，哥倫比亞首輪亦兩球輕取南韓，兩隊都有勝仗打底，只要今場唔輸，出線機會就非常樂觀。德國人精於計算，分組賽最識留放，近4屆女子世盃分組賽次輪都踢穩陣波，全開2球或以下，今場入波未必多，2.5球入球細有冷味。（Now聽630周日下午5時30分直播）

「德女」係世盃兩屆冠軍，亦係2016年里約奧運女足金牌，大賽經驗豐富。佢哋去年喺女子歐國盃決賽飲恨，不敵英格蘭屈居亞軍，今屆女子世盃捲土重來，將以爭冠為最大目標；首輪分組賽大勝摩洛哥6球，中鋒阿歷珊達波普梅開二度，舒卓娜同卡拉娜布侯都有進帳，其餘兩球係對方擺烏龍，展示爭冠實力。

爭標路遙見好即收
大勝一仗後，德國今仗對來自南美嘅哥倫比亞，未必會咁進取，事關今屆女子世盃擴軍到32隊，爭冠球隊要踢足7場，球員保留體力非常重要，相信她們今仗會點到即止。

哥倫比亞是2019年泛美運動會女足金牌，去年女子美洲盃亞軍，雖然整體實力同德國有距離，但她們首仗擊敗南韓，目前手執3分，預計今場會全力防守以1分為目標，力保出線機會，德國未必可以如首仗般入球予取予攜，入球細值得一試。