捷球网-足球比分_篮球比分_即时比分直播_足球视频移动版

今季重返爭標行列嘅利物浦，連續兩場聯賽失分而回後，今年最後一擊作客弱旅般尼，呢3分志在必得。「紅軍」今季重現強大火力，往往喺比賽早段發動搶攻，面對實力較弱嘅球隊，壓迫戰術經常收到成效，半場客勝值得捧場。（Now聽621周三凌晨1時30分直播）

利物浦近兩場聯賽打和曼聯同阿仙奴，但整體發揮唔差，穆罕默德沙拿為首嘅攻擊線極具侵略性，夏天中場年輕化後，前場壓迫更加到肉同有效，早段大把機會搵到着數。再睇番近年對賽數據，「紅軍」近6次對般尼，有5次可以喺半場領先，值得再追。

般尼防守曳頂唔住
般尼喺高柏尼執教下踢法主動，但球隊防守偏弱，主場出擊唔想死守往往招致大敗，今季主場就曾吞曼城3蛋、2比5慘負熱刺、1比4大敗車路士，今次面對決心十足嘅利物浦，恐怕凶多吉少。「紅軍」可望由頭贏到尾，半場客勝值得支持。