捷球网-足球比分_篮球比分_即时比分直播_足球视频移动版

今日澳職頭場免費直播波，紐卡素噴射機主場迎戰西部聯。雙方今季表現都差強人意，尤其係西部聯攻力非常疲弱，必定先求穩陣，加上近年碰頭旺少交收，2.5球細盤有計。（無綫85台周六下午2時30分直播）

紐卡素噴射機依家喺澳職只係排第10位，近5場僅得1勝1和3負，包括上場作客鬥阿德萊德聯，門將賴恩史葛已經盡做作出多番撲救，但仍然輸1比3，單計主場更加連續5場未贏過，其中4場有3次領先下都被對手逼和，後防不穩問題急需解決，今仗對同級對手唔敢輕舉妄動。

客軍火力澳職最弱
另邊廂，西部聯仲衰，敬陪末席，近8場輸咗7次添，單計客場更錄得4連敗，其中3場食白果。事實上，西部聯最大問題係攻力欠銳，今季踢咗9輪聯賽，入得7粒咁大把，仍停留喺個位數，係澳職火力最弱球隊，而且單計客場僅入4粒，今仗一定玩死守。翻查紀錄，兩軍近4次正面交鋒，各得1勝2和1負，有3次總入球開2球或以下，可見佢哋每逢碰頭都踢得特別保守，預計今場唔慌多波入，入球細有分頭咪錯過。