捷球网-足球比分_篮球比分_即时比分直播_足球视频移动版

今晚英超獨腳戲，近況大勇嘅韋斯咸主場迎戰白禮頓。「錘仔幫」近期連贏曼聯同阿仙奴兩大豪門，氣勢強勁，加上佢哋主場出擊霸氣十足，要贏陣容殘缺嘅白禮頓唔難，新年第一炮響得起，主Ｗ放心捧場。（Now 621周三凌晨3時30分直播）

韋斯咸喺莫耶斯帶領下愈戰愈勇，今季雖然賣走主力迪格蘭賴斯，不過簽入古達斯、禾特普斯及艾臣奧馬艾華利斯等新球員，位位都好使好用，配合盧卡斯柏基達及查洛保雲等舊將，整體戰力有增無減。

事實上「錘仔幫」近期狀態巔峰，近3場聯賽全勝兼保持不失，包括上場作客淨勝阿仙奴兩球，令人驚喜。更重要係佢哋主場出擊特別醒神，近7場主場拎到6勝1和佳績，踢咗半季仲有機會衝擊前4嘅歐聯席位，今晚呢3分志在必得。

白禮頓遇傷兵潮難捱
白禮頓今季成績跌Watt，近期更飽受傷兵潮困擾，最近連進攻靈魂三笘薰都加入「十字軍」行列，中堅李維士鄧克亦因累積5面黃牌要停賽，攻守重心人物同時缺陣，打擊唔細。加上佢哋作客表現差勁，近3場聯賽作客只得1分，今仗造訪大勇嘅韋斯咸好難捱，捧主勝係最佳選擇。