捷球网-足球比分_篮球比分_即时比分直播_足球视频移动版

今晚意盃16強，羅馬主場對越級挑戰嘅克雷莫納。羅馬主力保羅戴巴拿或被收起，攻力受削，而且「雌狼」近期入局例慢；克雷莫納遇強唔敢亂攻，中位數1.5球半場細熱得有理。（周四凌晨4時開賽）

位列意甲第7嘅羅馬，今季目標直指聯賽前4，而且歐霸仲未出局，對意盃唔會太在意。事實上佢哋近年出戰意盃的確唔多上心，近6屆頂盡入到8強就行人止步，何況羅馬傷兵唔少，基斯史摩寧同譚美阿巴謙一直做「十字軍」，進攻核心保羅戴巴拿亦不時受傷，雖然上場聯賽對祖雲達斯踢足全場，但佢之前因傷缺陣近兩周，主帥摩連奴相信會錫住佢嚟用，尤其係非重要賽事好大機會畀佢抖抖，今場未必上陣，令箭頭盧卡古喺前線孤軍作戰，對進攻構成影響。

克雷莫納穩守博偷雞
另邊廂，乙組仔克雷莫納狀態飄忽，單計客場近3仗都未贏過，睇番佢哋之前兩圈意盃，都係靠互射12碼先驚險晉級。不過要留意，克雷莫納係上屆4強分子，其中喺8強正正係作客淘汰羅馬；克軍近5場意盃有4次半場開1球或以下，擺明穩守行先博偷雞，況且羅馬例慢熱，各項賽事近12場，亦有11次半場開1球或以下，初段唔慌多波入，半場細穩開。