捷球网-足球比分_篮球比分_即时比分直播_足球视频移动版

至於今晚亞洲盃B組賽事，則有澳洲對印度。「袋鼠兵團」係爭標熱門之一，實力遠勝同組各隊，分組賽第一擊有力打響頭炮。不過佢哋屬於守強於攻球隊，前鋒數胡能力並唔突出，為保留體力走得更遠，隨時贏少少就收手，3.5球嘅入球細要吼實。
（HOY聽TV聽76台周六晚7時30分直播）

墨城雙箭冇入選火力減

澳洲中後場球員質素高，門將馬菲賴恩等經驗豐富，鋒線相對比較薄弱，效力墨爾本城嘅兩位射手馬菲歷基同占美麥卡倫都未有入選，「袋鼠兵團」攻擊力勢必受影響，加上佢哋近5場比賽，有4次總入球開3球或以下，喺球員未上力情況下，最緊要係贏波攞足3分，所以小勝都已經收貨。

另邊廂，印度屬於第4檔次球隊，實力係小組最弱嘅一隊，今仗必定屯重兵死守博1分，佢哋喺克羅地亞名帥史迪馬執教後，演出亦算平穩，好少出現嚴重走樣情況，估計今場唔會被澳洲上演「大屠殺」，入波唔會多，3.5球嘅細盤抵玩。