捷球网-足球比分_篮球比分_即时比分直播_足球视频移动版

表現令人驚喜嘅主辦國之一格魯吉亞Ｕ21，最後一仗會鬥荷蘭Ｕ21。格魯吉亞有4分喺手，今場唔輸就肯定出線，球隊有「最佳12人」幫手，今仗肯定嗌爆全場幫主隊打氣，荷蘭Ｕ21攻力欠奉，近4場未贏過，讓球盤要讓一球略嫌過晒火位，今場全力支持格魯吉亞Ｕ21下盤。（Now聽633周三凌晨零時直播）

格魯吉亞無論任何級別國家隊，都未曾進入過大賽決賽周，今次係同羅馬尼亞聯合主辦Ｕ21歐國盃，成為東道主之一，格魯吉亞Ｕ21表現非常對辦，分組賽1勝1和，上仗落後比利時Ｕ21兩球下扳平，主場球迷成為球隊最大動力。鬥比利時Ｕ21一仗，歐洲足協指入場入球達41,881人，破咗Ｕ21歐國盃入場紀錄，尤其球隊87分鐘扳平2比2，成個球場都嗌到震晒。

橙軍近４場僅入２球

格魯吉亞Ｕ21依家手執4分，有出線主動權，今場只要攞1分就肯定出線，創造國家隊歷史，球隊肯定泊大巴死守，事實上球隊對上4仗，有3場可以保持不失，獲3勝1和，成績亮麗。

「小橙軍」荷蘭Ｕ21表現令人失望，兩場分組賽只能分別賽和比利時Ｕ21及葡萄牙Ｕ21，連同之前熱身賽，近4場全部與對手打和，疲弱嘅鋒力成為致命嘅晉級阻力，呢4場只係入得2球，面對一心死守嘅格魯吉亞Ｕ21未必攞到甜頭，讓1球實在太多，格魯吉亞Ｕ21下盤係信心之選。