捷球网-足球比分_篮球比分_即时比分直播_足球视频移动版

日職獨腳戲，大阪櫻花主場迎戰福岡黃蜂。大阪櫻花上仗作客大炒北海道札幌岡薩多，近6仗聯賽5勝1負，佢哋現時排聯賽前列，主場3分志在必得，福岡黃蜂聯賽成績較差，作客更係曳到極，搶分機會渺茫，今場建議直取主勝。

（周五晚6時開賽）

大阪櫻花今季表現中上，現時聯賽排第5，只係落後榜首橫濱水手7分，搶分動力十足，佢哋近況亦出色，上仗4比1大勝北海道札幌岡薩多，除咗雙箭頭里奧施亞拉同加藤陸次樹有「士哥」，前曼聯及多蒙特球星香川真司都有進帳，加上佢哋近期主場表現對辦，近4仗主場3勝1負，攻入9球，今仗主場出擊令人期待。

今季作客成績包艇

福岡黃蜂排名中下，現時排12位，近況亦差劣，近7仗聯賽2和5負未贏過，當中近4仗聯賽全敗共失9球，包括上仗主場淨吞神戶勝利船3蛋；再睇佢哋作客更加唔掂，今季聯賽作客8戰3和5負，係日職作客成績最差球隊，今仗作客對住實力分子大阪櫻花，擺到明送分，落敗屬意料中事。