維拉近6場作客未輸過
今晚英超頭場，熱刺主場硬撼阿士東維拉。熱刺今季表現極度飄忽，隊長孫興民又狀態麻麻信唔過，維拉挾近6場作客未輸過之勢，造訪北倫敦有力搶分而回，讓球主客和仲有得受讓咁筍，讓球客勝咪錯過。（Now 621及611周日晚10時直播）
熱刺今季開咧後表現飄忽到暈，9場聯賽贏得4場咁大把，表現令人失望，雖然有指「孫仔」今場有機傷愈復出，但佢今季6場聯賽入得3粒，啱啱好番唔慌有態喇。雖然熱刺喺上周中英聯盃淘汰曼城，但中堅雲迪雲拉傷今場唔使預佢，令本已不穩嘅防線更加脆弱。
往績佔優唔赦熱刺
另邊廂，維拉上周中英聯盃意外地畀水晶宮踢出局，不過要留意佢哋起用多名副選，包括傷咗一年有多嘅中堅泰朗明斯擔正，擺明唔要呢隻盃仔。事實上，維拉喺艾美利調教後持續進步，聯賽位居前列之餘，更喺歐聯3戰全勝，各項賽事近13場僅1敗，唔講得笑。而且維拉客場特醒，近6場作客取得5勝1和，包括擊敗兩支倫敦球隊韋斯咸同富咸，加上近4次鬥熱刺錄3勝1負，絕對唔怕呢支北倫敦球隊，讓球客勝有計。文:法達斯維 (责任编辑：admin) |