捷球网-足球比分_篮球比分_即时比分直播_足球视频移动版

歐國聯A4組賽事，西班牙主場迎戰瑞士，「狂牛兵團」已經鎖定首名出線，而瑞士亦篤定包尾降班，今場變成例行公事。雖然西班牙有唔少主力缺陣，不過出副選一樣人才濟濟，對住士無鬥志嘅瑞士仍然游刃有餘，有力由頭贏到尾，半場主勝值博。（周二凌晨3時45分開賽）

瑞士篤定降班冇戰意
西班牙夏天贏歐國盃冠軍後，強勢一直持續，近4場歐國聯全部贏晒，提前鎖定8強資格，領隊富安迪畀蘇比文迪等國腳提前離隊，似乎信心爆棚。事實上西班牙人腳鼎盛，艾華路莫拉達、尼高威廉斯等主力掛帥，今季大爆發嘅前鋒奧摩洛迪安等新星亦要力爭上位，威力仍然好有保證。西班牙近4場比賽，有3場都喺半場領先，梗係要追。

另邊廂，瑞士喺5場歐國聯只係拎到2分，下屆肯定會降落B組聯賽，球隊士氣低落，今場戰意成疑，加上瑞士近4場對西班牙，有3次都喺半場落後，捧半場主勝好路。文:工廠仔