捷球网-足球比分_篮球比分_即时比分直播_足球视频移动版

阿根廷傳統勁旅河床將於今輪聯賽作客利華達維亞獨立，兩隊實力及狀態都有明顯距離，利軍近8場阿甲僅1勝，球員士氣低落。反觀河床3連勝共轟入9球，總入球全開3球或以上，有力反客為主，全取3分而回，如嫌客勝太熱冇肉食，可博中位數2.5球嘅入球大。

（HOY TV 76台周五早上8時30分直播）

鋒線着火頻有士哥
雖然利華達維亞獨立已成立超過100年，但長期喺低級別聯賽打滾，直至今季先至首次升上阿甲，礙於球會規模細，難以簽入高質素新兵，整體人腳唔夠班，踢咗22場聯賽僅得6勝7和9負，排積分榜下游。利華達維亞獨立亦自知實力有限，往往採取保守踢法，但久守必失，特別係遇上爭標分子河床，恐怕防線難以招架。

至於河床8月聘請名宿馬些路加拿度回巢執教，成績重回正軌，球隊現時狀態勇猛，連贏3場，每場都入3球，走勢銳不可當。前鋒米基爾保查今季聯賽已有10球進帳，腳風非常順，有「新美斯」之稱嘅18歲新星艾捷華利亦有出色表現，河床鋒線力量強大，有力大勝。文:Mic少