捷球网-足球比分_篮球比分_即时比分直播_足球视频移动版

朝美職獨腳戲，紐約城主場硬撼夏洛特FC。兩軍都係「和平大使」，經常同對手握手言和，而且夏洛特FC狀態麻麻，作客唔敢輕舉妄動，不妨直取和波。（周四早上7時39分開賽）

近6場聯賽5和

今仗係兩支近來都旺和波嘅球隊對碰，紐約城雖然上仗作客憑藉門神巴拉沙連番神救，幾經辛苦先險勝CF蒙特利爾1比0，打破之前11仗聯賽不勝困局，不過單計主場聯賽，近4仗其實只得2和2負未贏過，毫無主場之利可言，不宜高估。好彩紐約城近仗後防表現明顯有所改善，近6場聯賽雖只得1勝，但其餘5仗都係和波而回，表現亦算硬淨。

另邊廂，夏洛特FC經過4月至5月一輪搶分後，近況亦見回落，近5仗未嘗一勝，當中近3場全部與對手打和，要留意夏洛特FC作客勝率不高，而且已休戰咗一段時間，上仗已經係6月尾嘅事，狀態唔慌好，亦未必能立即撻着。陣中嘅左閘哈馬迪迪奧普、中堅馬蘭達及門將佐治馬斯因傷缺陣，防線人腳不整下，今場作客更加唔敢主攻，力求唔輸就得，既然大家近期都咁和得，直取和波。