捷球网-足球比分_篮球比分_即时比分直播_足球视频移动版

周六朝早墨超賽事，FC馬薩特蘭喺主場迎戰蒙特雷，客隊實力同對賽都有明顯優勢，就算有3名主力正為墨西哥踢美洲金盃而缺陣，今場都可以秤高一線，客勝值得捧場。

（周六早上9時開賽）

蒙特雷被視為爭標分子，陣容相當鼎盛，就算有域陀古斯文、捷西斯加拿度同路爾斯洛慕3名球星要為墨西哥國家隊比賽未能候命，佢哋開季兩戰亦取得1勝1和。再者，蒙特雷過去6次對FC馬薩特蘭，有4勝2和嘅壓倒性優勢，「格食格」之下，作客亦可秤高。

主帥剛上任未企穩
FC馬薩特蘭上季成績極差，今年再請歐洲教頭，希望引入歐陸式踢法務求「止血」，西班牙教練利斯卡禾上任只係兩個月，要幫球隊改用歐陸式踢法唔係一時三刻做得到，開季頭兩輪拎到2分已經超額完成，而且左閘查爾戴亞斯今場停賽，削弱佢哋搶分嘅能力，今仗就算主場出擊，相信亦難以搶分，客勝必捧。