阿仙奴啱啱喺社區盾贏咗上季嘅三冠王曼城，101分鐘由李安度杜沙特追平1:1，最後雙方互射十二碼，由阿仙奴以4:1捧走獎盃。今場兵工廠用上三個新兵，迪格蘭賴斯、夏維斯和添巴，個人認為12號球衣嘅添巴表現最為亮眼，平時打開中堅或者右閘嘅佢，今場打左閘表現都唔錯喎，可惜佢地3位都未能為球會打開記錄。

而我之前提過曼城嘅英格蘭U21新星高爾彭馬，就接應到迪布尼嘅傳球射入世界波，令曼城可以先開記錄。無論如何，阿仙奴呢場勝仗，可以話係開咗個靚頭，為嚟緊英超打開左完美嘅揭幕戰。Ling Ling