英格蘭聯賽錦標北部E組賽事，衞冕嘅英甲球隊保頓，主場迎戰英乙嘅沙福特城。兩支球隊級數有別，而且保頓想重溫捧盃美夢，戰意肯定較高，主勝值得捧場。（周三凌晨2時45分開賽）

保頓上場2比1贏打比郡，英甲開季6戰有4勝1和1負佳績，暫時與數支球隊並列聯賽榜首，最大目標當然係升上英冠。保頓陣中有前鋒謝路美等前英超球員，實力有一定保證。

沙福特城敗仗連場

保頓踢盃賽同樣醒神，上屆英錦標佢哋就以7勝1和成績，由分組賽直衝終點捧走冠軍，球員已經有晒成功經驗，今仗戰意唔使懷疑。

沙福特城喺英乙表現麻麻，近4場聯賽輸咗3場，實力已經唔及保頓，加上近況欠佳，實在難以信賴，而且兩隊近4次交鋒，保頓4次都順利贏波，今仗捧主勝穩陣。