阿甲盃A組沙士菲對圖庫曼體育會，圖庫曼體育會近13場只輸過1仗，表現非常硬淨，而且近4次鬥沙士菲獲2勝2和，今場受讓半一，必捧下盤。（myTV聽SUPER周二早上7時30分直播）

其實好多球迷都唔知呢個阿甲盃係乜嘢嚟，簡單嚟講，其實係4年前開始，阿甲賽會將次循環變成好似盃賽咁玩。首循環正正常常28隊踢單循環，最高分攞冠軍，次循環就將28隊分2組，踢完單循環再加1場鬥隔離組同市宿敵，完成14場最高分嗰4隊入8強，再以淘汰制爭冠軍。

近４次交手沙士菲未贏過
講番場波，如果以首循環積分睇，沙士菲5勝12和10負排25，圖庫曼體育會9勝10和8負排11，再睇埋阿甲盃，圖庫曼體育會個近績仲靚到痺，近13場7勝5和1負，沙士菲要贏佢哋有一定難度，再加上對賽成績圖庫曼體育會絕對佔優，今場受讓真係萬勿錯過。