今晚歐聯B組焦點戰，阿仙奴主場火併西維爾。阿仙奴近期防守唔太穩陣，為盡早鎖定出線資格，以加比爾馬天尼利為首嘅高速三叉戟，必定以攻代守，加上主場出擊例火力全開，隨時與西維爾合演入球騷，3.5球大盤咪錯過。（Now聽644周四凌晨4時直播）

高速三叉戟夠煞食
現以6分位居B組榜首嘅阿仙奴，上仗聯賽因一個問題球以0比1輸畀紐卡素，不但作客2連敗，各項賽事近5仗只得1場保持不失，防守略為不穩，為博反彈必主動進攻。好彩以加比爾馬天尼利、布卡約沙卡、尼基迪亞組成嘅3叉戟，速度勁快，而且主場威力一向有保證，近6仗主場錄4勝2和之餘，其中5仗開4球或以上，今仗一定以攻代守。

西維爾易帥後未見很大起色，近5仗僅1捷，而且頭3輪歐聯只得2分，今仗若不勝出線機會渺茫，不得不焗攻。不過西維爾後防主力如沙治奧拉莫斯、捷西斯拿華斯都年逾30，面對阿仙奴高速三叉戟，隨時畀對手屈速搞到有氣冇碇抖。但主W太熱冇肉食，既然阿仙奴主場例搶攻，寧捧入球大。