狀態跌Watt文尼啞火
亞冠盃西區4強次回合賽事，沙特阿拉伯豪門艾納斯主場迎戰艾阿恩，首回合阿聯酋勁旅艾阿恩領先1比0，今仗作客必定死守領前優勢，以艾納斯近期低效嘅攻擊表現，想入波有難度，3/3.5球入球細好路。（HOY聽TV聽77台周二凌晨3時直播）

艾納斯近3場比賽不勝，以其狀態今仗要反勝晉級難度頗高，佢哋雖然擁有星級鋒線，不過巴西射手塔利斯卡早前重傷缺陣，沙迪奧文尼喺亞冠盃亦連續5場食白果，C朗拿度勢必成為眾矢之的，會被對方守將盯死。

艾阿恩死守唔易啃
加上艾納斯喺亞冠盃嘅進攻效率唔算好，面對有組織嘅嚴密防線，往往束手無策，佢哋近5場亞冠盃只係入過4球，而且總入球全開2球或以下。

艾阿恩喺亞冠盃演出穩健，今屆4場作客有3勝1和，包括上一圈作客拿薩夫悶和0比0，相信今場作客亦會照辦煮碗，繼續屯重兵死守1比0優勢，3/3.5球入球細揀得過。