2022至23球季相信係利迷心情大起大落嘅一季，首先開季成績非常唔理想，去到季中一度跌落十名以後，表現比起上季大倒退，中場主力老化問題嚴重，幸好去到季尾一度七連勝力挽狂瀾，雖然今季最後並無獎盃落袋，聯賽得第五而痛失歐聯資格，但總算有個歐霸盃踢下，都叫做執返身彩。

不過，下一季紅軍就重燃希望啦，因為近日購入一個超筍嘅中場新星麥亞里士打，代價只需3500萬英鎊（約3億4500萬港元）。此子今季喺白禮頓同世界盃嘅表現都有目共睹，曾助阿根廷捧走世界盃冠軍，又為白禮頓奪來下季歐霸資格，有佢嘅加盟，簡直係利迷嘅一大好消息。Ling Ling