小阿根廷人專注盃賽

周六朝早阿甲賽事，小阿根廷人主場迎戰防衞者。小阿根廷人喺米列圖執教下，近兩季聯賽成績都只係不過不失，今季更將注意力放喺自由盃上，今仗面對「剋星」防衞者，好大機會再次失利，下盤值得捧場。

（無線myTV聽SUPER周六早上8時30分直播）

小阿根廷人今輪賽事前排第9位，比對手防衞者少4分，不過佢哋喺自由盃就表現出色，分組賽5戰不敗排榜首，佢哋下周中就要作客迪華利獨立隊，爭奪小組首名嘅種子隊資格，今仗好可能會留力。事實上，小阿根廷人近4仗自由盃前嘅聯賽，只係贏過1場，明顯係志不在阿甲。
近4次對壘客軍全勝

防衞者上輪作客僅輸畀榜首勁旅河床，表現並唔失禮，而且佢哋近況唔差，對上5仗有3勝1和1負。再者，防衞者近年專剋小阿根廷人，對上4次對賽都係防衞者贏晒，今仗受讓半一，下盤揀得過。