歐聯進入最後兩輪，「1哥」利物浦喺晏菲路主場迎戰法甲球會里爾，「紅軍」目前只需要拎多1分，就可以鎖定前8名直接出線資格，今場唔會急於求勝，估計領隊施洛嘅戰術亦以穩陣為主，捧3.5球入球細相當妥當。

（Now 643周三凌晨4時直播）文:工廠仔

利物浦係今屆唯一一隊6戰全勝球隊，雖然佢哋坐擁豪華鋒線，不過今屆歐聯最大賣點反而係防守，6場賽事只係失過1球，近5場歐聯有4場總入球開3球或以下，就算對住實力較弱嘅博洛尼亞、基羅納都係見好就收，小勝2比0同1比0，考慮到「紅軍」只差1分就確保前8，今場完全冇必要搏命，小小哋贏已經完成任務。

里爾穩守博有分袋
依家排第8嘅里爾今屆歐聯表現有驚喜，而且各項賽事已經連續20場未輸過，佢哋勝在防守硬淨，近6場賽事有5場總入球係2球或以下，今仗造訪晏菲路球場唔敢造次，相信佢哋目標係求和攞1分，然後喺最後一輪返主場對飛燕諾先至搏命，今場開3.5球入球細機會高。