捷球网-足球比分_篮球比分_即时比分直播_足球视频移动版

朝阿甲直播戲碼，颶風隊主場迎戰CA科爾多瓦中央。雖然兩軍喺聯賽排名一天一地，但CA科爾多瓦中央近12場未輸過，弗到漏油，加上啱啱先喺阿根廷盃擊敗颶風隊，讓球主客和仲有得受讓咁筍，讓球客勝咪錯過。（HOY TV 76周二早上8時直播）

近4交手客軍僅一敗
齋睇聯賽排名，颶風隊位居前列，與徘徊中下游嘅CA科爾多瓦中央，可謂差10條街咁滯，而賠率亦反映咗上述情況。不過踢波嘅嘢一場還一場，事實上颶風隊近9場只係贏4次，單計主場近6場亦只獲3捷，表現唔算標青，就算今場有地利之助，亦唔好睇得咁高。

相反，CA科爾多瓦中央嘅排名同狀態成反比，唔單止各項賽事近12場未輸過，單計近7場更加全部贏晒，當中有5場於上半場已經取得領先優勢，由頭贏到落尾，非常搶韁。翻查紀錄，CA科爾多瓦中央近年對住颶風隊不落下風，雙方近4次碰頭，CA科爾多瓦中央獲得2勝1和僅1敗，包括上周中阿根廷盃4強戰以2比1擊敗颶風隊，啱啱先贏完心理上點都佔優，今場有力反客為主，讓球客勝有計。文:法達斯維