捷球网-足球比分_篮球比分_即时比分直播_足球视频移动版

今日下晝澳職獨腳戲，阿德萊德聯主場迎戰珀斯光輝。阿德萊德聯開季後漸入佳境，連場報捷勒都勒唔住，撞正冇骨魚腩嘅珀斯光輝，隨時一開波即搶攻，1.5球半場大更值博。（無綫82台周五下午4時35分直播）文:法達斯維

光輝今季5戰失16球
阿德萊德聯雖然開咧首輪被中岸水手逼和，但之後開始入局，接連擊敗西悉尼流浪者、西部聯同布里斯班獅吼，其中近兩場更係反敗為勝，韌力十足，而4輪共入10粒，係澳職火力第2強球隊之一，前鋒克勞夫亦連續兩場有士哥，腳風轉順。值得留意，係阿德萊德聯踢法非常搶韁，近3仗半場全開2球或以上，可見佢哋一開波就嚟料搶攻。

另邊廂，珀斯光輝嘅表現可謂災難級，開咧後打咗5場聯賽，只得1和4負未贏過，入得兩球咁大把，攻力疲弱之餘，4場敗仗更狂失16粒，防線穿晒窿，表現慘不忍睹，好難頂得住阿德萊德聯嘅狂轟猛炸。睇番雙方近3次交手，合共炮製20個士哥，而且全部半場都至少有兩粒，今場主W太熱冇肉食，半場大係更好嘅選擇。