捷球网-足球比分_篮球比分_即时比分直播_足球视频移动版

美洲金盃D組第3輪，瓜德羅普火併危地馬拉。目前形勢微妙，今場兩隊同得4分，惟瓜德羅普得失球較佳排榜首，今仗和波都出到線，反觀危地馬拉要贏先肯定晉級，可惜佢哋攻力弱，近6仗全開2球或以下，捧2.5球入球細最穩陣。（無綫myTV聽SUPER周三早上6時30分直播）

D組形勢係古巴已經出局，其餘3隊爭2個位，現時瓜德羅普最有利，佢哋首輪2比2和加拿大，上場4比1大炒古巴，只要今場唔輸就出線，所以佢哋未必會咁進取，反而極可能加強防守，只要唔犯錯就掂，自2009年後再度躋身8強，當然唔會冒險亂攻。

危地馬拉攻力疲弱

危地馬拉現時排第2，佢哋最蝕章係首輪對古巴只能小勝1比0，第2輪同加拿大打和0比0之後，雖然同樣有4分，但得失球只係+1球，排第3嘅加拿大雖然頭兩輪打和只得2分，但只要佢哋今輪贏古巴2球或以上，就可以後上出線。

危地馬拉顯然形勢不妙，但佢哋守強於攻嘅踢法已經限死佢哋，今場想發圍有難度，只能寄望偷雞入波，然後守到尾，到時輪到瓜得羅普有危險，所以今場就如捉棋一樣，究竟係瓜德羅普輕鬆過關，定係危地馬拉絕處逢生，只係一線之差，不過話之佢邊隊贏，入球細就最啱數。