澳職2025新年第一擊，「1哥」奧克蘭FC主場迎戰墨爾本勝利。奧克蘭FC上場大炒中岸水手重回勝軌，今場勢必乘勝追擊，墨爾本勝利亦非善男信女，現時排第3，今場有得鍊，睇番奧克蘭FC近4場全開3球或以上，2.5球入球大有計。（無綫myTV SUPER周三中午12時直播）文:邪神

新埋班嘅奧克蘭FC經過季初一輪搶分後，近期走勢放緩，早前錄得1和1負，包括主場淨吞西部聯4蛋，以為佢哋季初強勁走勢告一段落，但上場已經強勢反彈，作客4比1大炒中岸水手。睇番佢哋進攻數據，7位球員取得入球，分布於前中後場各個位置，但同時球隊防守力有所下降，近4場失8球，成為成績波動嘅主要原因。

墨爾本勝利唔怕鬥攻
至於墨爾本勝利今季表現平穩，長居聯賽前列，上場0比3不敵FC悉尼，只因早段有球員領紅牌被逐所致，綜觀該隊近8場成績，獲5勝1和2負，表現唔會差得過奧克蘭，而佢哋攻擊線更廣泛，共有10人入波，8人交出助攻，加上雙方都想喺新年第一場贏波，隨時駁火變入球騷，相信入波唔會少。