亞冠精英盃B組下游對決，艾加拉法主場迎戰柏克塔哥。卡塔爾勁旅艾加拉法喺亞冠賽場戰績低落，而且入球板斧不足，今場想要取勝絕唔容易。對手柏克塔哥喺亞冠盃6場僅得4和2負未嘗1勝，同樣冇本事贏波，而且總入球全開2球或以下，2.5球入球細屬正路之選。（HOY TV 76台周三凌晨零時直播）文:邪神

艾加拉法今屆賽事6戰僅得4分，排B組第10，隨時出局，而且只攻入7球，反映攻力疲弱，上季幫皇馬贏歐聯冠軍，之後再幫西班牙贏埋歐國盃嘅射手祖斯奴畢竟已經34歲，而且艾加拉法嘅人腳質素亦無法同皇馬相比，佢能夠喺亞冠賽場6戰攻入3球已經盡晒人事，今場艾加拉法能否取勝，祖斯奴嘅表現仍然舉足輕重。

柏克塔哥一味靠守
烏茲別克聯賽現時休季，柏克塔哥近期只能踢熱身賽維持狀態，3場熱身賽成績係1勝2負，球員狀態麻麻，預計今場作客會加強防守，何況佢哋今屆賽事6戰仍未打開勝門，僅入2球失4球，攻防數據都係各隊之中最低，就算入唔到波，都唔會輕易失波，柏克塔哥專心死守下，今場悶戰居多。